د قدس د اوقافو او اسلامي چارو د شورا مشر وفات شو
ایکنانیوز د «السفیر ۲۴» له قوله راپور راکړ، د اوقافو ادارې شیخ سلهب د قدس یو وتلی او وفادار څېره بللې او ټینګار ئې کړی چې هغه خپل ټول عمر د دې مقدس ښار په خدمت کې او د اسلامي ځایونو په ساتنه کې تېر کړ.
ادارې ویلي چې هغه په شرعي قضاؤت، ديني روزنې او د اسلامي مؤسسو په مدیریت کې تلپاتې اغېز پرېښی، او په ځانګړي ډول د اوقافو د شورا د مشر په توګه ئې د مسجدالاقصی په ادارې او ساتنې کې بنسټیز رول لوبولی.
د قدس والي د دغه فلسطیني عالم د مړینې په اړه د خواخوږۍ په بیان کې ویلي چې د شیخ سلهب ژوند د الاقصی د دفاع، او د قدس د معنوي او فرهنګي هويت د پاسدارۍ یو سمبول و.
شیخ سلهب د فلسطین له وتلو علماوو څخه و؛ هغه خپل فعالیت د قضا په دستگاه کې پیل کړ او د خدمت په لاره کې پلهپله لوړ شو، تر دې چې په ۱۹۹۸ کال کې د قدس د قاضيالقضات په توګه وټاکل شو.
وروسته یې د اوقافو او اسلامي چارو د شورا مشري پر غاړه واخیسته او د مسجدالاقصی د چارو په مدیریت، د عمراني پروژو په ملاتړ او د قدس د اسلامي میراث په ساتنه کې مهم رول ترسره کړ.
د مسجدالاقصی په انګڼ کې د پراخو مرمت او بیا رغونې پروژې د همدې عالم له مهمو کړنو څخه دي.
شیخ سلهب همداراز د اسلامي علومو او فرهنګ د ټولنې بنسټ ایښودونکی او مشر ؤ؛ هغه اداره د «الایمان» ښوونځي هم پرمخ بیايي.
هغه په ۲۰۱۹ کال کې نیول شوی و، او په وروستیو کلونو کې څو ځله صهیونیستي پوځيانو پر هغه مسجدالاقصی ته د واریدیدا باندې بندیز لګولی و.
د حماس د تسلیت پیغام
د فلسطین د اسلامي مقاومت غورځنګ «حماس» په یوې بیانیې کې د شیخ عبدالعظیم سلهب (۷۹ کلن)، د قدس د اوقافو د شورا مشر، او د قدس او مسجدالاقصی له ستنو څخه د یوه شخص په توګه، د هغه د وفات له کبله د فلسطین ولس، او ټولې اسلامي او عربي امت ته ژوره خواخوږي څرګنده کړه، او وې ویل چې هغه د ایثار او د الاقصی د دفاع له برکت ډکه مبارزه پرېښودلې ده.
https://iqna.ir/fa/news/4316784
